2014 jyly Qazaqstanda elektrondy shot-faktýralardy engizý josparlanýda

Bul týraly búgin QR Prezıdenti janyndaǵy Ortalyq kommýnıkatsııalar ortalyǵynda ótken baspasóz máslıhatynda QR Qarjy mınıstrligi Salyq komıtetiniń tóraǵasy Ánýar Jumadildáev málim etti.

«Jalǵan shot-faktýralar jazyp berýge, olardy aýystyrýǵa jáne osyndaı faktilerge kesh áreket etýge baılanysty máseleni sheshý joly retinde elektrondy shot-faktýraǵa kóshý jáne «QQS boıynsha depozıttik shot» boıynsha bıýdjetke QQS tóleý tájirıbesin engizý usynylady. 2014 jyldyń 1 shildesinen bastap Qazaqstanda elektrondy shot-faktýralardy engizý boljanýda. 2014 jyldyń 1 qazanynan bastap elektrondy shot-faktýralardyń kóshirmesin berýdiń ilki rejımin iske qosý josparlanýda», - dep atap ótti Á.Jumadildáev.

Salyq komıtetiniń basshysynyń habarlaýynsha, eger tıisti zańnama qabyldanatyn bolsa, oǵan «Samuryq-Qazyna» AQ jáne óz de erikti salyq tóleýshiler qatysatyn bolady.