2014 jyly Qazaqstanda ana men náreste óliminiń kórsetkishi tómendedi
ASTANA. QazAqparat - Qazaqstan Respýblıkasynda 2014 jyldyń 11 aıynda ana óliminiń kórsetkishi 100 myń tiri týylǵan balaǵa shaqqanda 9,8. Bul kórsetkish 2013 jyldyń sáıkes kezeńimen salystyrǵanda 25 paıyzǵa tómen. Osy jaıynda QR Densaýlyq saqtaý jáne áleýmettik damý mınıstrliginen habarlady.
Ana óliminiń eń tómengi kórsetkishi Qaraǵandy, Shyǵys Qazaqstan oblystarynda jáne Almaty qalasynda tirkeldi. Kóp jaǵdaıda ana óliminiń sebepteri júktiliktiń jáne bosaný kezeńiniń qıyn bolýynan (64 paıyz), sonymen qatar, basqa jaǵdaılarda analar júktiligine qatysy joq aýrýlardan kóz jumǵan. Budan bólek, 2014 jyly Qazaqstanda náresteler óliminiń kórsetkishi tómendegeni belgili boldy. «Qazaqstan Respýblıkasynda 2014 jylǵy 11 aıda náresteler óliminiń kórsetkishi 1000 tiri týylǵan balaǵa shaqqanda 10 bolǵan, bul 2013 jyldyń sáıkes kezeńimen salystyrǵanda 13 paıyzǵa tómendedi», delingen mınıstrlik málimetinde. Náresteler óliminiń eń tómen kórsetkishi Astana qalasynda, Almaty qalasynda jáne Aqmola oblysynda tirkeldi. Kóp jaǵdaıda náresteler ólimine perınataldyq kezeńindegi asqynýlar sebep bolady. Sonymen qatar, 1 jasqa deıingi balalar týabitken damý aqaýlary, tynys alý organdary jáne qan aınalymy aýrýlarynan shetineıdi.
