2014 jyly Qazaqstanda 73 mektep qurylysy aıaqtalady
ASTANA. QazAqparat - 2014 jyly Qazaqstanda 73 mektep qurylysy aıaqtalady. Bul týraly «QazAqparat» agenttiginiń resmı saýalyna jaýap bergen QR Bilim jáne ǵylym mınıstrliginen habarlady.
«2014 jyly jalpy somasy 51,1 mlrd. teńge quraıtyn respýblıkalyq bıýdjet qarjysy esebinen 73 mekteptiń qurylysyn aıaqtaý josparlanǵan. Olardyń 29-y úsh aýysymdy jáne apatty mektepterdiń ornyna boı kóterse, 35-i oryn tashylyǵyn joıý úshin, al 9-y halyqtyń demografııalyq ósimine baılanysty salynady. Mektepterdiń basym bóligi memlekettik tilde bilim beretin bolady», - delingen habarlamada.
Sonymen qatar mınıstrliktiń atap ótýinshe, 2015 jyly respýblıkalyq bıýdjet esebinen 47 jańa mektep salý josparlanyp otyr. Onyń 28-i úsh aýysymdy jáne apatty mektepterdi joıý úshin salynady. Al 17-si oryn tapshylyǵyn joıý úshin, 35-i halyqtyń demografııalyq ósimine oraı boı kóteredi.
«Bilim berý nysandaryn jańa oqý jylyna der ýaqytynda jáne sapaly daıyndaý maqsatynda 538 mektepte jalpy somasy 26221,5 mln. teńgege kúrdeli jóndeý jumystary júrgizildi», - delingen mınıstrlik aqparatynda.
Aıta keterligi, 2013-2014 oqý jylynda respýblıkada 180 apatty mektep jáne úsh aýysymda sabaq ótkizetin 104 bilim oshaǵy bolǵan edi.
