2014 jyly Qazaqstanda 6,9 mln. sharshy metr baspana tapsyrylady

ASTANA . 14 qańtar. QazAqparat - Bıyl barlyq qarjy kózderi arqyly 6,9 mln. sharshy metr turǵyn úı salý kózdelip otyr.

Bul týraly búgin «Qoljetimdi baspana-2020» baǵdarlamasyn júzege asyrý máselesine arnalǵan Úkimet otyrysynda Óńirlik damý mınıstri Bolat Jámishev málim etti.

Onyń sózine qaraǵanda, negizgi tórt baǵyt boıynsha, ıaǵnı jalǵa beriletin jáne nesıelik baspana, ınjenerlik-kommýnıkatsııalyq ınfraqurylym jáne «Qazaqstandyq ıpotekalyq kompanııasy» AQ jelisi boıynsha turǵyn úı aıasynda qoıylǵan maqsat-mindetterdi oryndaý úshin 2014 jyly 129,9 mlrd. teńge kóleminde qarjylandyrý qoldaý tapty. Jalpy «Qoljetimdi baspana-2020» baǵdarlamasy boıynsha 206,2 mlrd. teńge qarastyrylǵan.