2014 jyly Qazaqstanda 20,3 myń jol-kólik oqıǵasy tirkeldi
ASTANA. QazAqparat - 2014 jyly 20 378 jol-kólik oqıǵasy (JKO) tirkeldi. Bul týraly QR Bas prokýratýrasy Quqyqtyq statıstıka jáne arnaıy esepke alý jónindegi komıteti byltyrǵy jylǵy joldardaǵy apattylyqtyń ahýalyn qorytyndylaý kezinde habarlady.
«Bul rette, JKO saldarynan qaza bolǵan 2 585 adamnyń arasynda 232-si kámeletke tolmaǵandar. Al 25 942 jaraqat alǵandardyń ishinde 4 632-si kámeletke tolmaǵandar», - dep atap ótilgen komıtet málimetinde.
JKO-da eń kóp qaza tapqandar sany Almaty (468 adam), Ońtústik Qazaqstan (432), Qaraǵandy (210) jáne Jambyl oblystarynda (203) tirkeldi.
Eldi mekenderde - 16 334, halyqaralyq, respýblıkalyq mańyzy bar joldarda - 1 887, oblystyq, aýdandyq mańyzy bar joldarda 1 048 jol-kólik oqıǵalary tirkeldi.
