2014 jyly Qazaqstanda 2 myńnan asa adamnan qaterli isik anyqtalǵan - A.Tsoı

ASTANA. QazAqparat - 2014 jyly aldyn alý sharalarynyń arqasynda 8 myńǵa jýyq adamnan qaterli isikke aparatyn syrqattar anyqtalǵan. Al, ókinishke oraı, 2 myńnan asa adamnan qaterli isik anyqtalǵan.

Bul týraly búgin OKQ-tegi brıfıngte Densaýlyq saqtaý jáne áleýmettik damý vıtse-mınıstri Alekseı Tsoı málim etti.

"Halyq arasynda qaýipti syrqattardy aldyn alý úshin ulttyq skrınıngtik baǵdarlama ázirlenip, kóliktegi medıtsına men telemedıtsınany damytyp jatyrmyz. Mine, qaterli isikti erte kezinde anyqtaý úshin júrgizilgen baǵdarlama aıasynda 2014 jyly 8 myńǵa jýyq adamnan qaterli isikke aparatyn aýrýlar men qatersiz isikterdi anyqtadyq, al 2 myńǵa jýyq adamnan rak anyqtaldy",-dep habarlady ol.

Jalpy, vıtse-mınıstrdiń aıtýynsha, 2014 jyly elimiz boıynsha 192 telemedıtsınalyq ortalyq jumys istep, 2 myńa jýyq adamǵa keńes bergen.