2014 jyly Qazaqstan aýmaǵy arqyly 91,4 mlrd. tekshe metr gaz tasymaldandy

ASTANA. QazAqparat - 2014 jyly Qazaqstan aýmaǵy arqyly 91,4 mlrd. tekshe metr gaz tasymaldandy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Energetıka birinshi vıtse-mınıstri Uzaqbaı Qarabalın málim etti.

«Bizdiń respýblıka arqyly birneshe gaz qubyry ótedi. Memleketter arasyndaǵy shartqa sáıkes gazdy tasymaldap, sony jetkizemiz. Ótken jyldyń 12 aıynyń ishinde 91,4 mlrd. tekshe metr gaz tasymaldadyq», - dedi ol.

Birinshi vıtse-mınıstrdiń atap ótýinshe, onyń ishinde Reseıdiń 49,4 mlrd., Túrkimenstannyń 38,4 mlrd., Ózbekstannyń 3,6 mlrd. tekshe metr gazy bar.

«Sonymen qatar byltyrǵy jyly 2,5 mln. tekshe metr suıytylǵan gaz shyǵaryldy. Bul 2013 jylmen salystyrǵanda 100,7 paıyzǵa artyq», - dedi U.Qarabalın.