2014 jyly Qazaqstan álemniń 30 eline munaı eksporttady
ASTANA. QazAqparat - 2014 jyly Qazaqstan álemniń 30 eline munaı eksporttady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Parlamenti Senatynyń depýtaty Mıhaıl Bortnık málim etti.«Qazaqstan álemniń 30 eline munaı jetkizedi. 2014 jyly eksportqa 62,5 mln. tonna munaı jóneltildi. Іri satyp alýshylar Eýropada», - dedi ol.
Senatordyń alǵa tartqan derekterine qaraǵanda, eksportqa shyǵarylǵan qazaq munaıynyń 25 paıyzy Italııa, 13 paıyzy Nıderlandy, 9 paıyzy Frantsııa, 7 paıyzy Avstrııaǵa jóneltilgen. Budan bólek qytaı eli de atalǵan munaı kóleminiń 17 paıyzyn alǵan.
Sonymen qatar ol óz sózinde ótken jyly mol munaı óndirgen úsh óńirdi de erekshe atap ótti. «2014 jylydń qorytyndysynda Atyraý oblysysy 32,2 mln., Mańǵystaý oblysy 18,5 mln., Batys Qazaqstan oblysy 13,1 mln. tonna munaı óndirdi», - dedi M.Bortnık.
