2014 jyly qazaq sportynan kimder ketti?
ASTANA. QazAqparat - 2014 jyly qazaqstandyq birneshe tanymal sportshy sporttyq karerasyn aıaqtaý týraly sheshim qabyldady. Sportshylarymyz bul saladan ártúrli sebeptermen ketken bolatyn, dep jazady sportnews.kz saıty. Nazarlaryńyzǵa atalǵan saıttaǵy sholýdy usynamyz.
Olga Dovgýn (44 jas), myltyqpen atý Myltyqpen atý jarystarynda aldyna jan salmaıtyn qazaqstandyq sportshy Inchhondaǵy jeńisinen keıin sporttan ketetinin málimdedi. Dovgýn - Álemniń eki dúrkin chempıony ári tórt birdeı Olımpıada qatysýshysy.
ıÝrıı Logınov (47 jas), bendı
Qazaqstan quramasynda júrip bendı oıyndarynda Álemniń 12 chempıonatynda baq synaǵan ıÝrıı álemniń úsh dúrkin qola júldegeri atanǵan. Ol Reseı chempıonatynda bes ret úzdik qorǵaýshy retinde tanylǵan. Novosibirlik «Sıbselmasht» quramynda Logınov óziniń sport salasyndaǵy mansabyn aıaqtady.
Igor Soloshenko (35 jas), fýtbol
Qaraǵandylyq «Shahter» fýtbol klýbynda úzdik oıyn kórsetken elimizdiń chempıony ári premer-lıga júldegeri Igor Soloshenko Qazaqstan quramasynda 11 oıyn ótkizgen. Sondaı-aq, «Jeńis» jáne «Tobyl» komandalary sapynda úzdik oıyn kórsetken. 1999 jyly ótken Álem chempıonatynda jastar komandasynyń kapıtany retinde baq synaǵan.
Dmıtrıı Mýravev (35 jas), velosport
Qazaqstan chempıony Dmıtrıı «Astana» quramyna qosylmas buryn «Quickstep» jáne «Credit Agricole» syndy komandalar qatarynda bolǵan. 2014 jyldyń jazynda ol óziniń karerasyn aıaqtaıtynyn jáne Qazaqstan velosport federatsııasynyń atqarýshy dırektory ornyna taǵaıyndalǵanyn málimdedi.
Evgenıı Korolev (26 jas), tennıs
2010 jyldan beri Qazaqstan atynan shyǵyp júrgen reseılik tennısshi ITF serııasynyń birneshe týrnıriniń jeńimpazy ári «Úlken dýlyǵa» syndy týrnırlerde baq synaǵan. «Devıs Kýbogynda» da Evgenıı elimizdiń atyn qorǵaǵan bolatyn. Aýyr jaraqattary ony mansap jolyn aıaqtaýyna sebepshi boldy, alaıda Korolev bapkerlik jaǵyna aýysatynyn aıtty.
Mereı Aqshalov (25 jas), boks
Qazaqstandyq bokshy Beıjiń Olımpıadasyna, «Astana arlandary» sapynda baq synaǵan bolatyn. 2013 jyly Azııa chempıonaty men Álem chempıonatynda chempıon atandy. 2014 jyly densaýlyǵyna baılanysty qolǵabyn shegege ilýge májbúr boldy.
Darıa Obydennova (23 jas), hokkeı Qazaqstan quramasynyń qaqpashysy ári «Aısulý» klýbynyń múshesi ózin ártúrli eýropalyq týrnırlerde moıyndatqan hokkeı oıyndarynyń chempıony Darıa Obydennova 2011 jylǵy Azııa oıyndarynyń da chempıony. Hokkeıden birjola ketýi týraly sheshimin ol jyldyń basynda málimdegen.
Marına Volnova (25 jas), boks
Azııa oıyndaryndaǵy qola júldesin jeńip alǵan Volnova bokstan ketýge sheshim qabyldady. Marına otbasy qurýyna baılaanysty sporttan ketkenin aıtqan. Sonymen qatar, Marına Álem chempıonatynyń kúmis, Londondaǵy Olımpıadasynyń qola júldesin enshilegen.
Anna Alıabeva (21 jas), gımnastıka
Anna Azııa chempıony, sonymen qatar halyqaralyq týrnırler men Azııa oıyndarynyń jeńimpazy. 2012 jylǵy Olımpıadadan soń azdaǵan ýaqytqa sporttan demalys alǵan ol gımnastıkaǵa oralýdy kózdep júrgen bolatyn, alaıda 2014 jyly gımnastıkadan birjola ketetindigi málim boldy. Qazirgi tańda Anna ózin telejúrgizýshi retinde synap júr.
