2014 jyly qaıta qalpyna keletin energııa kózderinen óndirilgen elektr energııasynyń kólemi 1 mıllıard kılovatt/saǵatqa jetýi tıis

Bul týraly búgin Parlament Senatynda «Qazaqstannyń elektr energetıkasynyń jaı-kúıi jáne damý perspektıvalary» atty taqyrypta ótken dóńgelek ústel otyrysynda Indýstrııa jáne jańa tehnologııalar vıtse-mınıstri Nurmuhambet Ábdibekov málim etti.

«Bul jospar negizinen jel energetıkasy men shaǵyn gıdroenergetıka salasy boıynsha qol jetkizilgeni abzal», - dedi vıtse-mınıstr.

Onyń aıtýynsha, jyl basynda qaıta qalpyna keletin energııa kózderin paıdalaný máseleleri boıynsha júrgizilgen monıtorıng jumystary atalmysh energııa kózderi óndirgen elektr energııasynyń mólsheri 2010 jyly 403 mıllıon kılovatt/saǵatqa jetkendigin kórsetken. «Bul 2009 jylmen salystyrǵanda 23 mıllıon kılovatt/saǵatqa nemese 6 paıyzǵa kóp. Jalpy alǵanda elimizde qalpyna keletin energııa kózderin engizý sharalary negizinen 2013-2014 jyldarǵa josparlanǵan», - dedi mınıstrdiń orynbasary.