2014 jyly Qashaǵandaǵy munaı óndirý kólemi 2 mln. tonnaǵa jetedi - U. Qarabalın

ASTANA. 16 qańtar. QazAqparat - Bıyl Qashaǵanda naqty qandaı mólsherde munaı óndiriletindigi týraly dóp basyp aıtý qıyn, degenmen boljam boıynsha ol kórsetkish 2 mln. tonna shamasynda bolady. Bul týraly búgin baspasóz máslıhatynda QR Munaı jáne gaz mınıstri Uzaqbaı Qarabalın atty.

«Óndirý kólemin tap basyp aıtý qıyn, óıtkeni jóndeý jumystaryna qansha ýaqyt beriletin jáne óndirý mólsheri qandaı bolatyny belgisiz. Biraq búginde biz Qashaǵanda shamamen 2 mıllıon tonna munaı óndiremiz dep kútip otyrmyz», - dep atap ótti ol.

Mınıstrdiń málimetinshe, 2013 jyly Qazaqstan boıynsha barlyǵy 81,7 mln. tonna munaı óndirilgen. «Bul onyń aldyńǵy jylynan 3,2 paıyzǵa kóp. Al 2014 jylǵa 83 mln. tonna bolady dep josparlap otyrmyz. Bizdiń oıymyzsha, Qashaǵan da bıylǵy jumysqa qosylady dep otyrmyz», - dedi mınıstr.