2014 jyly G8 Sochıde ótedi
ASTANA. 4 aqpan. QazAqparat - Reseı kelesi jyly Sochıde «Úlken segizdiktiń» memleket jáne úkimet basshylarynyń kezdesýin ótkizedi.
Búgin Reseı Prezıdenti Vladımır Pýtın «RF-nyń 2014 jyly «Segizdik tobyna» tóraǵalyq etýine daıyndyq týraly» jarlyqqa qol qoıdy, dep habarlady Kremldiń baspasóz qyzmetinen.
Qujatqa sáıkes «úlken segizdik» memleket basshylarynyń kezdesýi aıasyndaǵy barlyq sharalar Sochıde ótedi. Vladımır Pýtın osy jarlyqpen eldiń G8-ge tóraǵalyq etýin qamtamasyz etýi jáne oǵan daıyndyq boıynsha uıymdastyrý komıtetiniń tóraǵasy qyzmetine Prezıdent ákimshiliginiń basshysy Sergeı Ivanovty taǵaıyndap, Máskeý meri Sergeı Sobıanındi bul mindetten bosatty.
