2014 jyly eńbek qaýipsizdigin buzǵan qazaqstandyq jumys berýshilerge 113 mln. teńge kóleminde aıyppul salyndy

ASTANA. QazAqparat - 2014 jyly eńbek qaýipsizdigin saqtamaǵan qazaqstandyq jumys berýshilerge 113 mln. teńge kóleminde aıyppul salyndy. Bul týraly eńbekti qorǵaý konferentsııasy barysynda QR Densaýlyq saqtaý jáne áleýmettik damý mınıstrligi Eńbek, áleýmettik qorǵaý jáne kóshi-qon komıtetiniń tóraǵasy Aqmádı Sarbasov málim etti.

Onyń atap ótýinshe, jumyskerlerdiń ómiri men densaýlyǵyna tóngen qaýip-qaterge baılanysty anyqtalǵan buzýshylyqtardy joıýǵa deıin 46 óndiris nysandarynyń, 107 birlik jabdyqtar men mehanızmderdiń jumysy toqtatyldy jáne 1495 laýazymdy tulǵa qyzmetinen bosatyldy.

«2014 jyly memlekettik eńbek ınspektorlarynyń tekserýi barysynda eńbekti qorǵaý jáne eńbek qaýipsizdigi salasynda anyqtalǵan buzýshylyqtar boıynsha 1659 nusqama berilip, 113 mln. teńgege 1622 aıyppul salyndy», - dep atap ótti Qazaqstannyń bas eńbek ınspektory.

Quqyq qorǵaý orgadaryna 1856 materıal jiberilip, onyń ishinde 159-y boıynsha qylmystyq is qozǵaldy.