2014 jyly elordanyń energokesheni qaıta qurylyp, keńeıtiledi
ASTANA. 13 jeltoqsan. QazAqparat - Astanada 2014 jyly jylý energetıkasy jobalaryn damytýǵa elordanyń energokeshenin qaıta qurý jáne keńeıtý úshin respýblıkalyq jáne jergilikti bıýdjetterden qarjy bólinedi. Bul týraly búgin Astana qalasy máslıhatynyń kezekti sessııasynda belgili boldy, dep habarlady astana.kz saıty.
«Astanada JEO-1, JEO-2 keńeıtilip, qaıta qurylady, sonymen qatar, qoldanystaǵy jylý energııa jelileri qalpyna keltiriledi. Atalǵan jumystardyń nátıjesinde aldaǵy jyly elektr qýattylyǵynyń kólemi jylyna 120 MVt jáne jylý qýattylyǵy 160Gkal bolady dep kózdelgen. Elektr jelileriniń ótkizý qabilettiligi 500-den 1200 MVt, jylý magıstralinde 1179-dan 2702 Gkal deıin artady. Budan basqa, tozǵan magıstraldyq jelilerdiń kólemi 15 paıyz tómendeıdi», - dep atap ótti qalalyq Ekonomıka jáne bıýdjettik josparlaý basqarmasynyń basshysy Janat Nurpeıisov óz sózinde.
