2014 jyly elimizdiń barlyq óńirinde 50 orta mekteptiń qurylysy bastalady - A. Sárinjipov
ASTANA. 13 qarasha. QazAqparat - QR Bilim jáne ǵylym mınıstrligi aldaǵy jyly elimizdiń barlyq óńirinde 50 orta mekteptiń qurylysyn bastaýdy kózdep otyr. Bul týraly búgin Qazaqstanda bilim jáne ǵylym salasyn damytýdyń 2014-2016 jyldarǵa arnalǵan basym baǵyttary boıynsha ótken QR Bilim jáne ǵylym mınıstrliginiń alqa májilisinde vedomstvo basshysy Aslan Sárinjipov málim etti.
«Bizdiń usynys qoldaý tapqan jaǵdaıda, aldaǵy jylǵy bıýdjette barlyq óńirilerinde 50 mekteptiń qurylysyn bastaý josparlanǵan. Biz bul jumysty júrgize otyryp, qurylystyń sapasy men ýaqytyl merzimin baqylaımyz», - dedi mınıstr. Munymen qosa, atalǵan vedomstvo oqytýdyń mazmunyn jańartýdy jasparlap otyr. Sonymen qatar mınıstrlik mektepterdiń kadrlyq áleýetin kúsheıtýge, olardy basqarý júıesin jetildirýge, aýyldyq jerlerdegi mektep ınfraqurylymyn jańǵyrtýǵa bilek sybana kirispek.
