2014 jyly Brazılııada ótetin Álem chempıonatyna bıletterdi satý bastalýda
ASTANA. 20 tamyz. QazAqparat - Brazılııada 2014 jyly fýtboldan ótetin álem chempıonatynyń matchterine bıletterdi satý bastalady.
Aldyn ala ótinimder halyqaralyq fýtbol federatsııasynyń saıtynda 10 qyrkúıekke deıin qabyldanady.
VVS-diń jazýynsha, eger de naqty bir oıynǵa bıletti satyp alýǵa nıettilerdiń sany qoljetimdi bılet kóleminen astyp tússe, onda ótinimder arasynda lotereıa júrgiziledi.
Jalpy satylymǵa baǵasy 15 dollardan bastap (Brazılııadaǵy jergilikti jankúıer úshin ) 1 myń dollarǵa deıingi (fınaldyq matchtyń qarapaıym bıleti úshin) 3 mıllıonnan astam bılet túsedi.
Ázirge bıletterdi atalǵan dodada ótkiziletin kezdesýlerdiń mán-jaıyn egjeı-tegjeı bilmesten satyp ala berýge bolady. Atap aıtqanda, týrnır boıynsha jerebe tartý jeltoqsanda ótedi, sondyqtan da buǵan deıin komandalardyń qandaı úılesimde jáne qaı stadıonda oınaıtyndyǵy belgisiz.
Fýtbol birinshiligi Brazılııada 2014 jyly 12 maýsym men 13 shilde aralyǵynda ótedi.
