2014 jyly baılanys jáne aqparat salasynyń jalpy ishki ónimdegi úlesi 3,8 paıyzǵa artatyn bolady-QR Baılanys jáne aqparat mınıstri A. Jumaǵalıev
ASTANA. 6 jeltoqsan. QazAqparat /Qanat Mámetqazyuly/ - 2014 jyly baılanys jáne aqparat salasynyń jalpy ishki ónimdegi úlesi 3,8 paıyzǵa artatyn bolady.
Bul týraly búgin QR Parlamenti Májilisinde aqparattyq-kommýnıkatsııalyq tehnologııalardy damytý taqyrybynda ótken Úkimet saǵatynda Baılanys jáne aqparat mınıstri Asqar Jumaǵalıev málim etti.
Mınıstrdiń aıtýynsha, aǵymdaǵy jyldyń 9 aıynyń kórsetkishteri boıynsha baılanys jáne aqparat salasynyń ósim ındeksi 110 paıyzdan astamdy quraǵan. «Budan keıin de biz osy ósý ındeksin saqtaýǵa tyrysatyn bolamyz. Maqsatty ındekatorlarǵa toqtalatyn bolsaq, 2014 jyly ishki jalpy ónimdegi baılanys jáne aqparat salasynyń úlesi 3,8 paıyzǵa, ınternettiń keń jolaqty abonentteriniń tyǵyzdyǵy 100 turǵyn úshin 22-ge, respýblıka aýǵamyn sandyq telearnamen qamtýdy 95 paıyzǵa deıin jetkizýdi josparlap otyrmyz», - dedi A. Jumaǵalıev.
Mınıstrdiń paıymdaýynsha, aldaǵy tórt jyl ishinde áleýmettik mańyzdy qyzmetterdiń 50 paıyzyn elektrondyq túrde júzege asyrý kózdeledi. «Qoryta aıtqanda 2010-2014 jyldarǵa arnalǵan baǵdarlamanyń nátıjesinde elimizdiń aqparattyq qoǵamǵa, ınnovatsııalyq ekonomıkaǵa kóshý múmkindigin iske asyrýǵa qol jetkizemiz», -dedi vedomstvo basshysy.
