2014 jyly Astanada sheneýnikterge qatysty jemqorlyq boıynsha 95 qylmystyq is qozǵaldy
ASTANA. QazAqparat - 2014 jyly Astanada laýazymdy tulǵalardyń zańsyz is-qımyldaryna qatysty jemqorlyq boıynsha 95 qylmystyq is qozǵaldy. Bul jaıynda búgin QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Astana qalasy boıynsha departamentiniń basshysy Dýlat Ázbergenov málim etti.
«Egerde ótken jyly Astanada zańsyz is-qımyldar faktisi boıynsha laýazymdy tulǵalarǵa qatysty 95 jemqorlyq qylmystyq ister qozǵalsa, al 2015 jyldyń bir aıynda sheneýnikterge shaǵymdanǵan azamattardan 164 aryz tústi», - dedi ol elorda ákimdiginde ótken memlekettik organdar kórsetetin qyzmetterdiń sapasy máselesine arnalǵan semınar-keńeste.
Departament basshysy memlekettik qyzmetterdi kórsetýdiń sapasy máselesine árbir organ nazar aýdarýy tıis ekenin atap ótti.
