2014 jyly Astanada 2 jańa saıabaq ashylyp, altaýy qalpyna keltiriledi
ASTANA. 20 qańtar. QazAqparat - «Astana-Zelenstroı» AQ Tabıǵı resýrstar jáne tabıǵat paıdalanýdy retteý basqarmasymen birlesip, 2014 jyly Astanada «Araı» parkiniń janynda jáne jaǵalaý mańynda Jeltoqsan 2 kóshesiniń boıynda jańa saıabaqtar ashýdy kózdep otyr. Bul týraly astana.kz saıtyna Astana ákimi apparatynyń Ómirdi qamtý jáne ınfraqurylymdy damytý bóliminen habarlady.
Jańa saıabaqta Qazaqstandaǵy tuńǵysh «jasyl sýburqaq» salynady. Sý betinde túrli tústi jaryqtandyrylǵan máńgi jasyl jáne japyraqty butalar ósip turǵandaı áser jasalady. Sonymen qatar, balalar men skeıtbordqa arnalǵan jeke alańdar bolady.
Aıta keteıik, saıabaq aýmaǵyndaǵy soqpaqtar demalyp júrgen adamdar bir-birine kedergi jasamaıtyndaı etip jobalanady.
Jaǵalaýdaǵy saıabaqta shaǵyn kontsert alańy, sýburqaq pen gúlbaqsha ornalasady.
Atalǵan is-sharalar elodany erekshe keıpke keltirýge jáne onyń dekoratıvtik jaǵdaıyn jaqsartýǵa baǵyttalady.
2013 jyldyń qorytyndysy boıynsha «Astana-Zelenstroı» AQ elordada 14 279 aǵash pen buta, 160,5 myń m² gúlbaqshalarǵa 8,6 mln. dana gúl kóshetterin otyrǵyzdy.
