2014 jyly Astana qalasyndaǵy aýyl sharýashylyǵynda paıdalanylatyn jerler tolyq túgendeledi

Bul týraly búgin Óńirlik damý mınıstrliginde Astana qalasy men onyń mańyndaǵy jerlerdi paıdalaný máselesi boıynsha Memleket basshysynyń tapsyrmalaryn oryndaýǵa arnalǵan keńeste málim boldy.

«Astana mańyndaǵy jekemenshik qosalqy sharýashylyqtarǵa, baý-baqsha seriktestikterine, saıajaılyq qurylystarǵa usynylǵan jer ýchaskelerine revızııa júrgizý josparlanyp otyr. Al 2014 jyly Astana qalasy boıynsha aýyl sharýashylyǵynda paıdalanylatyn jerlerge tolyq túgendeý jumystary júzege asatyn bolady. Ony ótkizý úshin respýblıkalyq bıýdjetten qajetti qarajattar qarastyrylyp otyr», - dedi Jer resýrstaryn basqarý komıtetiniń tóraǵasy Baýyrjan Smaǵulov.