2014 jyly Astana gazben júretin 350 avtobýs satyp alady
ASTANA. 18 jeltoqsan. QazAqparat - Qazirgi ýaqytta elordada jolaýshylar kóligi tapshylyǵy baıqalady, osyǵan oraı, 2014 jyly gazben júretin 350 avtobýs satyp alý kózdelgen. Kestege sáıkes, 200 avtobýs Astanaǵa elorda kúni merekesine jáne 150 avtobýs 2014 jylǵy 1 jeltoqsanǵa deıin jetkiziledi.
«Ekonomıkalyq tıimdilik pen ekologııalyq qaýipsizdikti saqtaý maqsatynda, sondaı-aq, «EKSPO-2017» kórmesine daıyndyqty qamtamasyz etý úshin avtobýstar gaz qondyrǵysymen jabdyqtalady. Osyǵan baılanysty, qalada jańa gaz elektr stantsııasy jáne birqatar janar-jaǵarmaı quıý stantsııasy salynady. Avtobýstardy ornalastyratyn jańa park kerek, onyń orny belgilendi, qurylysy taıaý arada bastalady», - dedi astana.kz saıtyna Jolaýshylar kóligi jáne avtomobıl joldary basqarmasynyń basshysy Rashıd Amanjolov qalalyq máslıhattyń kezekti sessııasynda.
Aıta keteıik, uzyndyǵy 12 metrlik avtobýstardyń 80 paıyzy 110 orynǵa shaqtalǵan. Al 20 paıyzy 150 oryndyq bolady.
