2014 jyly «Astana-Býrabaı» aqyly avtobanynan 1 mlrd. 100 mln. teńge qarajat tústi
ASTANA. QazAqparat - 2014 jyly "Astana-Býrabaı" aqyly avtobanynan 1 mlrd. 100 mln. teńge qarajat tústi. Bul týraly búgin Ortalyq kommýnıkatsııalar qyzmetinde ótken baspasóz máslıhatynda QR Investıtsııa jáne damý mınıstrligi Avtomobıl joldary komıtetiniń tóraǵasy Mereke Pishembaev málim etti.
"Aqyly joldar sol joldardyń kútimin júrgizý úshin qajet. Sapaly joldardy salý azdyq etedi, olardy sapaly paıdalaný da qajet. Sondyqtan júrgizýshilerden túsken qarjy joldardy kútýge jumsalady. Birinshi aqyly avtoban - "Astana-Býrabaı" trassasynda byltyr 1 mlrd. 100 mln. teńge tústi. Biz eki jyl boldy ol jolǵa bıýdjetten qarjy bólgen emespiz. Jol óz-ózin aqtap otyr", - dedi komıtet basshysy.
Onyń aıtýynsha, magıstral boıynda ornalasqan Makınsk, Şýche, Aqkól aýdandarynyń turǵyndary quny 1000 teńgeni quraıtyn abonenttik tólem jasap, sapaly jolmen ári-beri 1 jyl boıy erkin qatynaı alady.
