2014 jyly AShM-niń 17 qyzmetkeri jemqorlyq úshin jaýapkershilikke tartyldy

ASTANA. QazAqparat - 2014 jyly Aýyl sharýashylyǵy mınıstrliginiń 17 qyzmetkeri jemqorlyq qylmystary úshin jaýapkershilikke tartyldy. Bul týraly búgin QR Aýyl sharýashylyǵy mınıstrligi men «Jańarý» sybaılas jemqorlyqqa qarsy jalpyulttyq qozǵalysy» Respýblıkalyq qoǵamdyq birlestigi arasyndaǵy memorandýmǵa qol qoıý kezinde mınıstrlik basshysy Asyljan Mamytbekov aıtty.

«2013 jyly jemqorlyqpen aınalysqany úshin qylmystyq jaýapkershilikke 31 qyzmetker tartylǵan bolatyn. Al 2014 jyly 17 adam jazaǵa tartyldy, bul aldyńǵy jylǵymen salystyrǵanda 45 paıyzǵa azaıdy degen sóz. Degenmen 17 adamnyń ózi kóptik etedi. Eger de jemqorlyqtyń aldyn alýǵa tıisti jumystar atqaratyn bolsaq, bul kórsetkishti de azaıtýǵa bolady», - dep atap ótti ol.

Onyń aıtýynsha, Mınıstrlik qazirgi ýaqytta 2015-2025 jyldarǵa arnalǵan jemqorlyqqa qarsy strategııa qabyldaǵan. Sýbsıdııalaý salasyndaǵy jemqorlyq áreketterdi azaıtý maqsatynda jańa tetikter ázirlenip, sýbsıdııalaýdy memlekettik qyzmetter reestrine engizý qarastyrylýda.