2014 jyly apattyq jaǵdaıdaǵy 50-den astam úı buzylady - elorda ákimi
ASTANA. 22 sáýir. QazAqparat - 2014 jyly apattyq jaǵdaıdaǵy 50-den astam úı buzylady. Bul týraly búgin Táýelsizdik saraıynda ótip jatqan elordany budan ári qaraı damytýǵa arnalǵan jıynla elorda ákimi Imanǵalı Tasmaǵambetov málim etti.
«Eski jáne apattyq jaǵdaıdaǵy turǵyn úılerdi buzý boıynsha qanatqaqty joba aıasynda jalpy aýdany 93 myń sharshy metr bolatyn 1655 páterlik 6 turǵyn úı kesheniniń qurylysy júrgizilýde. 2013 jyldyń jeltoqsan aıynda 11 eski apattyq úıler, 2014 jyly - 52 úı, sondaı-aq, 2015 jyly 89 úı buzylady»,-dedi ákim.
Onyń sózine qaraǵanda, budan bólek jeke qurylysshylar Orynbor kóshesi men Turan dańǵylyndaǵy jalpy aýdany 8,5 mln. sharshy metr bolatyn búginde 40-qa jýyq joba maquldanǵan. «Myńjyldyq» alleıasy boıynsha jańa ortalyqtyń keshendi qurylysy júrgizilýde.
«Qoljetimdi baspana - 2020» baǵdarlamasyn júzege asyrý barysynda turǵyn úı qurylys jınaqtaý júıesi boıynsha 21 myń sharshy metr turǵyn úı paıdalanýǵa tapsyryldy. 2013 jyldyń sońyna qaraı 1543 páterlik taǵy 6 nysandy paıdalanýǵa berý josparlanyp otyr. Qazaqstan ıpotekalyq kompanııasy boıynsha qazirgi tańda jalpy kólemi 17 gektar jer ýchaskesi bólinip, jobalyq jumystar júrgizilýde. Jalpy bul baǵytta 2020 jylǵa deıin 300 myń sharshy metr turǵyn úı salynady»,-dedi I. Tasmaǵambetov.
