2014 jyly AQTV ınfektsııasy 29 baladan anyqtaldy
ASTANA. QazAqparat - Qazaqstanda byltyr 14 jasqa deıingi 29 balada AQTV-ınfektsııasy anyqtaldy. Sanıtarııalyq-epıdemıologııalyq saraptama jáne monıtorıng ǵylymı-praktıkalyq ortalyǵynyń derekterin QR Ulttyq ekonomıka mınıstrligi Statıstıka komıteti jarııalady.
«2014 jyly anyqtalǵan AITV indetin tasymaldaýshylardyń sany 2 174 (2013 jyly- 1941 tasymaldaýshy anyqtaldy), sonyń ishinde 14 jasqa deıingi balalar arasynda 29 AQTV tasymaldaýshylar sany (2013 jyly - 33 tasymaldaýshy) anyqtaldy», delingen habarlamada. 2014 jylǵy jeltoqsanda 2013 jylǵy jeltoqsanmen salystyrǵanda ehınokokkozben (6,2 paıyzǵa) aýyrǵandar sany ósken jáne dıagnozy alǵash ret qoıylǵan brýtsellezben (6,8 paıyzǵa) aýyrǵandar sany azaıǵan. Anyqtalǵan AITV-juqpasyn tasymaldaýshylardyń sany 163 oqıǵany (2013 jylǵy jeltoqsanda - 106) qurady.
