2014 jyly 1,5 myń sottalýshy orta bilim týraly attestattar alady
ASTANA. QazAqparat - Bul kúnderi Qazaqstannyń kolonııalarynda sottalǵandarǵa kámelettik attestattar men tolyq emes orta bilim týraly kýálikter tapsyrylýda, dep habarlady QR ІІM Qylmystyq-atqarý komıtetiniń baspasóz qyzmeti.
«30 jasqa tolmaǵan adamdardyń konstıtýtsııalyq quqyqtaryn júzege asyrý aýqymynda bostandyǵynan aıyrý oryndarynda negizgi (9 synyp) jáne orta (11 synyp) bilim alý úshin oqý úderisi uıymdastyryldy», -dep atap ótti QazAqparat tilshisimen áńgimesinde QAJ komıtetiniń sottalǵandar arasyndaǵy tárbıe jáne áleýmettik-psıhologııalyq jumys jónindegi basqarmasynyń bastyǵy Marat Talasbaev.
Onyń aıtýynsha, ótken jyly 1023 sottalýshy orta bilim týraly attestat alǵan bolsa, 2013-2014 oqý jylynyń qorytyndysymen bul kórsetkish 1500 adamǵa jetti.
«Kámelettik attestattar Shyǵys Qazaqstan, Qaraǵandy jáne Pavlodar oblystarynyń túzeý mekemelerinde kóptep tapsyrylýda», - dep atap ótti M.Talasbaev.
Dástúr boınsha bilim týraly qujattardy tasyrý saltanatty sharalary jergilikti atqarý organdarynyń, dinı konfessııalardyń ókilderi, sottalǵandardyń týystary men jaqyndary qatysýymen ótkizilýde.
