2014 jylǵy «Joǵary oqý ornynyń úzdik oqytýshylary» anyqtaldy
ASTANA. QazAqparat - Qazaqstan Respýblıkasy Bilim jáne ǵylym mınıstrliginde vıtse-mınıstr T. Balyqbaevtyń tóraǵalyǵymen «Joǵary oqý ornynyń úzdik oqytýshysy» ataǵyn berý jónindegi respýblıkalyq konkýrstyq komıssııanyń otyrysy ótti, dep habarlady vedomstvonyń baspasóz qyzmetinen.
Konkýrstyq komıssııanyń quramyna Parlament depýtattary, memlekettik organdardyń, «Nur Otan» partııasynyń Ortalyq apparatynyń ókilderi kirdi.
Konkýrs «Joǵary oqý ornynyń úzdik oqytýshysy» ataǵyn berý qaǵıdalary men berilgen memlekettik granttyń jumsalý baǵyttaryn bekitý týraly» Qazaqstan Respýblıkasy Úkimetiniń 2012 jylǵy 17 aqpandaǵy № 235 qaýlysyna sáıkes uıymdastyryldy.
2014 jyly konkýrsqa 90 joǵary oqý ornynan 545 adam qatysty.
Konkýrstyq irikteý nátıjesinde «Joǵary oqý ornynyń úzdik oqytýshysy» ataǵyna 200 úmitker anyqtaldy. Onyń 39,5% -yn ǵylym doktorlary, 57% - yn ǵylym kandıdattary, 3,0% -yn PhD doktorlary qurady, olar tehnıkalyq, pedagogıkalyq, medıtsınalyq, aýyl sharýashylyq, ekonomıkalyq, quqyqtyq jáne t.b.ǵylymdar salasynan.
Grant joǵary oqý ornynyń oqytýshylaryna álemniń jetekshi ýnıversıtetterinde sheteldik taǵylymdamadan ótýge, ózderiniń ǵylymı jáne bilim berý jobalaryn iske asyrýǵa múmkindik beredi.
2014 jylǵy «Joǵary oqý ornynyń úzdik oqytýshysy» ataǵynyń ıgerelerimen myna jerden tanysa alasyz.
