2014 jylǵy sáýirde Qazaqstandaǵy ınflıatsııa 0,6 paıyzdy qurady
ASTANA. QazAqparat - Ótken aıda azyq-túlik taýarlaryna baǵa 1%, azyq-túlik emes taýarlaryna 0,6%, aqyly qyzmetterge - 0,2%-ǵa ósti.
«Ótken aıda respýblıka boıynsha ortasha baǵa ósimi kartopqa 8,1%, qumshekerge - 6,3%, irimshikke - 3,4%, jańa jınalǵan jemister jáne kókónisterge - 2,4%, kúrishke - 2,2%, súzbege - 2%, qyshqyl sút ónimderine - 1,8%, suly jarmaǵa - 1,7%, unǵa - 1,6%, sary maıǵa - 1,5%, makaron ónimderine - 1,2%, balyq jáne teńiz ónimderine, alkogolsiz sýsyndarǵa - 1,1%-dan, pasterlengen sútke - 0,8%, nanǵa, shujyq, et ónimderine - 0,7%-dan belgilendi»,- delingen QR Statıstıka agenttiginiń málimetinde.
Sonymen qatar baǵanyń tómendeýi jumyrtqaǵa 1%, sıyr etine - 0,7%, kúnbaǵys maıyna - 0,6%, qus, qoı etine - 0,5%-dan tirkeldi.
Belgili bolǵandaı, jýǵysh jáne tazalaǵysh quraldar 1,3%, jeke paıdalanýǵa arnalǵan taýarlar - 1,1%, jıhazdar jáne úıge qajetti zattar - 1%, farmatsevtıkalyq ónimder - 0,9%, turǵyn jaılardy jóndeýge arnalǵan materıaldar, kıim jáne aıaq kıim - 0,6%-dan qymbattady.
Baǵanyń deńgeıi mektepke deıingi balalar mekemesiniń qyzmetterine 2,1%, densaýlyq saqtaý qyzmetterine - 1,1%, jolaýshylardyń temir jol kólik qyzmetterine - 0,6%, shashtarazdar men jeke qyzmet kórsetý oryndarynyń, meıramhanalar men qonaq úılerdiń qyzmetterine - 0,5%-dan joǵary boldy. Sálemdemelerdi jiberý boıynsha qyzmetterge tarıfter 9,4%, uıaly baılanys qyzmetterine - 1,7%-ǵa tómendedi.
