2014 jylǵy sán qandaı?
ASTANA. 28 qazan. QazAqparat - Almatyda dástúrge aınalǵan «Kazakhstan Fashion Week» mádenı-sándi sharasynyń alǵashqy tanystyrylymy ótti, dep habarlaıdy aynaline.kz.
Onda kópshilikke 9 túrli kollektsııa pash etilip, talqyǵa tústi. Sheteldik jáne qazaqstandyq dızaınerlerdiń qolynan shyqqan eksklıýzıvti zattar usynylǵan sharaǵa kelýshilerdiń qatary kóp boldy. Bul joly kásibı mamandar 2014 jyldyń kóktem-jaz mezgilderinde qaı trend pen tústiń, kıim úlgisiniń sánde bolatynyn barynsha jetkizýge tyrysty. Aıtalyq, sángerler Saıat Dosybaev pen Alekseı Chjen aldaǵy jyly túrli tústi gúl beınelengen kıimderdiń úlken suranysta bolatynyn aıtady.
Olardyń áriptesi Aınur Turysbek bolsa, teriden jasalǵan kıimderi bar adamnyń kóleńkede qalmaıtynyn keltiredi. Qazaqstandyq sán salasynyń ókili Aıgúl Qýandyqova 2014 jylda ashyq tústerdiń ádettegideı joǵary baǵalanatynyn tilge tıek etip otyr. Óz kezeginde tanymal modeler Aıda Qaýmenova jeke kollektsııasynda ulttyq oıý-órnekterge basymdyq beripti.
