2014 jylǵy eń nashar áýejaı belgili boldy
ASTANA. QazAqparat - Islamabadtaǵy Benazır Bhýtto atyndaǵy halyqaralyq áýejaı About The Guide to Sleeping in Airports týrıstik ınternet resýrsynyń júrgizgen saýalnamasynda az daýys jınap, eń nashar áýejaı dep tanyldy. Saýalnamaǵa qatysýshylar baǵalaýdy tórt krıterıı boıynsha júrgizdi: jaılylyǵy, qolaılylyǵy, tazalyǵy jáne qyzmet kórsetý deńgeıi.
Saıahattaýshylardyń biri Islamabad áýejaıyn taýsylmaıtyn kezek kútý, tazalyq saqtalmaýyn aıtyp túrmemen teńestirgen.
Ekinshi orynda Saýd Arabııasyndaǵy Kıng Abdýlazıs halyqaralyq áýejaıy tur. Al úshinshi orynǵa Nepaldaǵy Trıbhývan áýejaıy ornalasqan.
