2014 jylǵy álem chempıonatynyń kóripkel qoıany Twitter-den akkaýnt ashty
ASTANA. QazAqparat - Kóripkel qoıannyń boljamdaryn endi áleýmettik jelilerden baqylaýǵa bolady. Qazaqstandyqtarǵa jaqsy tanys qoıannyń endi ózindik tvıt-akkaýnty paıda boldy, dep habarlaıdy «Eýrazııa» birinshi arnasy.
Birinshi postynda ol tipti ózi týraly azdy-kópti aqparat beripti: «Boljaýshy, sarapshy, qoldanbaly orakýltaný jáne búldirgen kafedrasynyń meńgerýshisi. Qarapaıym, kóregen, aryndy. Tanys bolaıyq».
Óz paraqshasynda Kóripkel mýndıaldiń aldaǵy matchtaryna qatysty boljamdarymen bólisip qana qoımaı, el jańalyqtaryn talqylaıdy, kúni boıy alǵan áserlerimen bólisedi, eldiń tanymal adamdarymen birge túsken sýretterin, qyzyq beınematerıaldardy jarııalaıdy jáne túrli BAQ-taǵy ózi týraly jarııalanymdarmen maqtanady. Esterińizge sala keteıik, chempıonat bastalǵaly qoıan Brazılııa - Horvatııa, Gollandııa - Ispanııa, Italııa - Anglııa, Frantsııa - Gondýras jáne Ispanııa - Chılı matchtarynyń jeńimpazdaryn dóp taýyp keldi.
