2014 jylǵy Álem chempıonatyndaǵy Marıo Gettseniń aıaq kıimi 2 mıllıon eýroǵa satyldy
ASTANA. QazAqparat - Germanııa quramasy men mıýnhendik «Bavarııanyń» fýtbolshysy Marıo Gettseniń 2014 jylǵy fýtboldan Álem Chempıonatynyń fınalynda kıgen aıaq kıimi 2 mılllıon eýroǵa satyldy. Ol osy aıaq kıimimen jeńis dobyn soqqan bolatyn. Bul týraly , Lenta.ru jazady.
«Bul degen aqylǵa qonymsyz, men bul týraly armandaǵan da emespin! Bul óte úlken qarajat!» - dep, Gettse aǵynan jarylǵan. Ol sondaı-aq bul qarajattyń tek aıaq kıim úshin emes, qaıyrymdylyq aktsııasy úshin de tólengenine qýanǵan
Aıta keteıik, býtsyny satqannan túsken qarajat Ein Herz für Kinder («Balalarǵa - júrek») qaıyrymdylyq qoryna aýdarylady.
Gettse ÁCh-2014 fınalyndaǵy Germanııa-Argentına matchynda jalǵyz goldyń avtory bolǵan. Osy jeńistiń arqasynda Germanııa quramasy álemniń 4 dúrkin chempıony atandy.
