2014 jylǵy 8 aıda Qazaqstannyń jalpy ishki óniminiń ósimi 4,1 paıyzdy qurady
ASTANA. QazAqparat - Bıylǵy segiz aıda Qazaqstannyń jalpy ishki óniminiń ósimi 4,1 paıyzdy qurady. Bul týraly Ortalyq kommýnıkatsııalar qyzmetindegi brıfıngte Ulttyq ekonomıka mınıstri Erbolat Dosaev málim etti.
«Boljamdy esepteý boıynsha aǵymdaǵy jylǵy 8 segiz aıda JІÓ ósimi 104,1 paıyzdy qurady. Jeti aıdaǵy kezeńmen salystyrǵanda onyń deńgeıi 0,1 paıyzǵa artty», - dedi mınıstr.
Onyń sózine qaraǵanda, ónerkásiptik ónim kóleminiń ındeksi 99,9 paıyzdy, aýyl sharýashylyǵy ındeksi 102,5 paıyzdy, qurylysta - 104,7 paıyzdy, saýdada - 109,4 paıyzdy, sondaı-aq kólik salasynda 107 paıyzdy qurady.
