2014 jylǵa deıin elektr energııasyna tutyný kólemine qaraı saralanǵan tarıfterdi tereńdete túsý jalǵasatyn bolady - TMRA
ASTANA. Qyrkúıektiń 27-si. QazAqparat /Qanat Mámetqazyuly/ - 2014 jylǵa deıin elektr energııasyna tutyný kólemine qaraı saralanǵan tarıfterdi tereńdete túsý jalǵasatyn bolady.
Búgin QR Parlamenti Májilisinde «Tarıftik saıasattaǵy energııany únemdeý» taqyrybynda ótken Úkimet saǵatynda ul týraly Úkimettiń otyrysy barysynda Tabıǵı monopolııalardy retteý agenttiginiń tóraǵasy Nurlan Aldabergenov osylaı málim etti.
Tóraǵanyń aıtýynsha, álemdik tájirıbe turǵysynan alyp qaraǵanda saralanǵan tarıfterdi qoldanýdyń tıimdiligi aıqyn baıqalady. «Tutastaı alǵanda saralanǵan tarıfterdi engizý nátıjesi elektr energııasyn únemdeýdi, tutynýshylardyń qarajattaryn únemdeýdi qamtıdy, sondaı-aq bul tutynýshylardyń tarıftik jospardy tańdaý múmkindigi bolyp tabylady. Al baǵa máselesine keletin bolsaq, búgingi kúni Qazaqstandaǵy energııanyń ortasha baǵasy sheteldermen salystyrǵanda eń tómengi deńgeıde bolyp otyr. Biraq, soǵan qaramastan elimizde elektr energııasyn únemdeý máselesi eń ózekti másele bolyp qala beredi. Sondyqtan, bul baǵyttaǵy jumystar jalǵasyn tabatyn bolady», dedi Agenttik tóraǵasy.
