2014 jyldyń sońyna qaraı Qazaqstanda salyqtyq daýlardy sheshýdiń ońtaıly úlgisi ázirlenedi - L.Erejepova
ASTANA. 28 qarasha. QazAqparat /Gúlmıra Alıakparova/ - 2014 jyldyń sońyna qaraı Qazaqstanda salyqtyq daýlardy sheshýdiń ońtaıly úlgisi ázirlenetin bolady.
Bul týraly búgin Qazaqstandaǵy salyq daýlary: paıda bolýy jáne sheshilýi» taqyryby boıynsha Astanada bastalǵan semınarda QR Qarjy mınıstrligi Salyq komıteti salyq appelıatsııalary basqarmasynyń bastyǵy Lázzat Erejepova aıtty.
L.Erejepova atap kórsetkendeı, Dúnıejúzilik banktiń (DB) tehnıkalyq jáne qarjylyq qoldaýymen 2012-2014 jyldar aralyǵynda Salyqtyq ákimshilendirýdi qurý jobasy (SÁQJ) júzege asyrylatyn bolady. Onyń sheńberinde apellıatsııaǵa berý deńgeılerin qysqartý kózdelip otyr. Bul óz kezeginde salyq tóleýshilerdiń shaǵymdaryn qaraý merzimin ońtaılandyrýǵa múmkindik beretin bolady.
DB Qazaqstan Respýblıkasynda qoldaný úshin sotqa deıingi apellıatsııalardan bólek, salyqtyq daýlar salyq sottarynda qaralatyn - AQSh pen Kanadanyń tájirıbesin usynyp otyr.
Qazaqstan onymen birge, eýropalyq elderdiń tájirıbesin zertteýde. Asa qyzyǵýshylyqty Ulybrıtanııanyń tájirıbesi týdyryp otyr. Onda salyq máseleleri boıynsha aryzdar mindetti túrde sotqa deıin qaralady. Onyń ústine, qaıta qaraýǵa berýdiń birinshi qadamy - salyq tóleýshi men qyzmet ınspektorynyń daýly másele boıynsha mámilege kelý múmkindigi. Mámilege kelý múmkin bolmaǵan jaǵdaıda Arnaıy nemese Jalpy Komıssarlar isti qaraý úshin Trıbýnalǵa beredi. Arnaıy nemese Jalpy Komıssarlar atalmysh qyzmettiń janynda turaqty jumys isteıdi, biraq óziniń qurylymyna baılanysty táýelsiz bolyp qala beredi.
Komıssarlar ister boıynsha tyńdaýdy qupııalyqty saqtaı otyryp, jabyq esik jaǵdaıynda ótkizedi. Trıbýnaldyń sheshiminen keıin, salyq tóleýshi Apellıatsııalyq sotqa qaıta qaraý shaǵymyn túsire alady.
«Japonııada Ulybrıtanııada sııaqty qaıta qaraýǵa shaǵymdanýdyń eki joly bar: ákimshilik jáne sot arqyly. Qaıta qaraýdyń birinshi satysy - qaıta qaraý týraly aryz túsip otyrǵan sheshimdi qabyldaǵan - salyq organynda, kelesi satysy - joǵary turǵan salyq organynda ótedi», - dedi ol.
«Salyqtyq daýlardy qaraýdyń qoldanystaǵy tártibine jasalǵan taldaý jáne baǵalaýdyń negizinde, 2014 jyldyń sońyna qaraı sarapshylar aldaǵy ýaqytta júzege asyrylýy múmkin usynystardy jasaıtyn bolady. Sondaı-aq Salyq komıtetiniń qyzmetin halyqaralyq standarttar men álemniń úzdik tájirıbelerine sáıkestendiretin - orta jáne uzaq merzimdi damytý boıynsha usynymdar berilmek», - dep túıindedi ol.
