2014 jyldyń sońyna deıin fermerlerdiń nesıelik júktemesi 300 mlrd. teńgege jeńildeıdi

ASTANA. QazAqparat - Qazaqstanda agroónerkásiptik keshendi damytý memlekettik baǵdarlamasy aıasynda nesıelik júktemeni tómendetý týraly agroónerkásiptik sektor sýbektilerinen 217 ótinish kelip tústi. Bul týraly búgin Úkimet otyrysynan keıin Ortalyq kommýnıkatsııalar qyzmetindegi brıfıngte QR Aýyl sharýashylyǵy mınıstri Asyljan Mamytbekov málim etti.

«Baǵdarlama agroónerkásiptik keshen sýbektilerin qarjylyq saýyqtyrý boıynsha tıisti tetikterdi qarastyrady. Bul turǵyda burynǵy kredıtorlyq qaryzdardy tómendetý men merzimin uzartý eskerilgen. Búginde 167 mlrd. teńge kóleminde agroónerkásiptik keshen sýbektileriniń 217 ótinishi maquldandy», - dedi mınıstr. Onyń sózine qaraǵanda, bıyldyń sońyna deıin bul baǵytta 300 mlrd. teńgeni ıgerý josparlanyp otyr. «Osy somaǵa qazirgi nesıeler jeńildetiledi», - dedi A. Mamytbekov.