2014 jyldyń sońyna deıin elimizdiń eldi mekenderiniń 95 paıyzy tsıfrly efırlik telearnamen qamtamasyz etiledi - A.Jumaǵalıev
TANA. 21 qarasha. QazAqparat /Aıdar Ospanalıev/ - 2014 jyldyń sońyna deıin elimizdiń eldi mekenderiniń 95 paıyzy tsıfrly efırlik telearnamen qamtamasyz etiledi.
Bul týraly búgin Astanada ótip jatqan Eýropalyq jáne Azııalyq medıaforým barysynda Baılanys jáne aqparat mınıstri Asqar Jumaǵalıev málim etti.
Onyń sózine qaraǵanda, 2015 jyly elimiz tolyqtaı tsıfrly telearnaǵa kóshýi kerek. «Osy rette biz alǵashqy qadamdy jasap ta úlgerdik. Spýtnıktik tsıfrly telearnany iske qostyq. Ol respýblıkanyń barlyq aımaǵyn qamtýǵa múmkindik beredi. Al tsıfrly efırlik telearnaǵa keletin bolsaq, biz bul jobany júzege asyrýǵa jaqyndap qaldyq. Endi eki aıdan soń biz Astana, Almaty men Qaraǵandy men Jezqazǵan qalalaryn tsıfrly telearnamen qamtamasyz etemiz. Budan soń biz atalmysh júıemen elimizdiń barlyq aımaqtaryn qamtýǵa kirisemiz»,-dedi mınıstr.
Tsıfrly telearna barynsha taza, sapaly belgi alyp, eń bastysy, búgin bizge qajetti telearnalardyń barlyǵyn kórýge múmkindik beredi. «Biz búginde jıilik rýsýrstary tolyq qamtylmaǵan ýaqytta ómir súrip jatyrmyz. ıAǵnı bul tolqyndar elimizdiń turǵyndaryn qajettiliktermen tolyq qamtamasyz ete almaı otyr. Sondyqtan biz bul baǵyttaǵy jmystary jalǵastyra beremiz»,-dedi A.Jumaǵalıev.
