2014 jyldyń qorytyndysy boıynsha jastar arasyndaǵy jumyssyzdyq 4,3 paıyz - BǴM
Jıyn barysynda senator Birǵanym Áıtimova jastar máselesi týraly aıta kele, búkil álemde jastardyń jumyssyzdyǵy ózekti bolyp otyrǵanyn jetkizdi. «Ekonomıst» jýrnalynyń baǵalaýy boıynsha 2012 jyly Jer sharyndaǵy 290 mln. jas azamattar oqý da oqymaǵan, jumys ta tappaǵan. Bul turaqtylyqqa belgili bir qaýip tóndiretin halyq jigi. Al bizdiń elimizde 2013 jyly 350 myń jas azamat jumyssyz bolypty. Meniń oıymsha, bul tolyq kórsetkish emes, kúmán bar. Degenmen, jastardyń osynsha bóliginiń jumyssyz bolýy durys emes», - degen senator jastardyń jumyssyzdyǵyna qatysty máseleni zań jobasy qalaı sheshetinin suraǵan bolatyn.
Óz kezeginde senator saýalyna jaýap bere kele Bilim jáne ǵylym mınıstri sońǵy on jylda Qazaqstanda jastardy jumyspen qamtý kórsetkishinde oń úrdis oryn alyp otyrǵanyn alǵa tartty.
«Statıstıkaǵa súıensek, 2000 jyly Qazaqstandaǵy jumyssyz jastar sany 17 paıyzdy qurasa, bul kórsetkish 2009 jyly 8,5 paıyz boldy. Al 2014 jyldyń qorytyndysy boıynsha jastar arasyndaǵy jumyssyzdyq 4,3 paıyz bolyp otyr, ıaǵnı elimizdegi jastar arasyndaǵy jumyssyzdyq kórsetkishi alǵash ret jalpy jumyssyzdyq kórsetkishinen tómendegen. Al jalpy jumyssyzdyq 5,5 paıyz shamasynda. Osylaısha, jastardy jumyspen qamtýǵa qatysty atqarylyp jatqan sharalar óz nátıjelerin berip jatyr degen sóz», - dedi A. Sárinjipov.
Onyń aıtýynsha, bilim berý júıesinde joǵary oqý oryndary men kolledj túlekterin jumysqa ornalastyrý 75 paıyzdy quraıdy. «2015 jyly biz JOO-lar men kolledjderdiń málimetter bazasyn zeınetaqy tóleý ortalyǵynyń bazasymen yqpaldatyrýdy oılap otyrmyz. Osy arqyly biz jastardyń jumysqa ornalasýy boıynsha naqty málimetterdi bile alamyz», - dedi A. Sárinjipov.