2014 jyldyń birinshi jartyjyldyǵynda Esil aýdanynda 2 mektep pen 3 balabaqsha salynady
ASTANA. QazAqparat - Ústimizdegi jyldyń birinshi jartyjyldyǵynda Esil aýdanynda 2 mektep pen 3 balabaqsha salynady. Bul týraly astana.kz saıtyna Esil qalasynyń ákimi apparatynan habarlady.
«Ústimizdegi jyldyń birinshi jartysynda eki jalpy bilim berý mektebiniń: №26, №37, №38 kósheleri men Hýseın ben Talal kósheleriniń aýmaǵynda 1200 oryndyq mekteptiń; «Batyǵaı» TK aýdanynda 1200 oryndyq mekteptiń qurylysy bastalady. Sonymen qatar, árqaısysy 280 oryndyq eki balabaqsha: «Komsomolskıı» turǵyn alabynda (Qyz Jibek jáne Baıan sulý kósheleriniń qıylysynda, Qyz Jibek kóshesi men Ulpan oramynyń qıylysynda) jáne taǵy bir 240 oryndyq balabaqshanyń qurylysy №23 kósheniń aýdanynda (Orynbor jáne №36 kósheleriniń arasynda) bastalady», - delingen habarlamada.
Qurylysty aıaqtaý merzimi - 2015 jyl.
Aıta keteıik, qazirgi ýaqytta aýdanda 10 memlekettik balabaqsha jáne 1 shaǵyn ortalyq bar.
