2014 jyldyń basynda aýyl okrýgteriniń ákimderi «JJK-2020» bilýi boıynsha testileýden ótedi

ASTANA. 19 jeltoqsan. QazAqparat - 2014 jyldyń birinshi toqsanynda aýyl okrýgteriniń ákimderi «Jumyspen qamtýdyń jol kartasy-2020» quraldary men baǵyttaryn bilýi boıynsha testileýden ótedi, dep habarlady primeminister.kz Eńbek jáne halyqty áleýmettik qorǵaý mınıstri Tamara Dúısenovanyń QR Úkimeti otyrysyndaǵy sózine silteme jasap.

«Qazirgi ýaqytta Mınıstrlik aýyl okrýgteriniń ákimderin jáne jumyspen qamtý ortalyqtarynyń jumysshylaryn oqytý júrgizilýde. Kelesi jyldyń birinshi toqsanynda baǵdarlamany bilýge qatysty testileý ótkiziledi», - dedi T. Dúısenova.

Mınıstrdiń aıtýynsha, oqytý úzdiksiz júrgiziledi. Kelesi jyly halyqtyń maqsatty toptaryn oqytý josparlanýda.

Budan ózge, baǵdarlamany aqparattyq súıemeldeýdi jetildirý jalǵasady.

"Bul eńbek naryǵynyń biryńǵaı bazasyn jáne jumyspen qamtýǵa jáne JJK júzege asyrýǵa qatysty mamandandyrylǵan portaldardy damytýǵa baılanysty, sondaı-aq jalpy halyqtyń jumyspen qamtý máseleleri, sharttary jáne baǵdarlamaǵa qatysýdyń artyqshylyqtary týraly habardarlyǵyn arttyrýǵa qatysty", - dep qortyndylady vedomstvo basshysy.