2014 jyldyń alty aıynda elimizde benzın óndirý kólemi 17,4 paıyzǵa artty
ASTANA. QazAqparat - Qazaqstanda 2014 jylǵy qańtar-maýsym aralyǵynda 1,486 mıllıon tonna benzın óndirildi. Bul 2013 jyldyń osy kezeńimen salystyrǵanda 17,4 paıyzǵa artyq. Bul týraly Munaı jáne gaz mınıstrliginiń baspasóz qyzmetinen habarlady.
Sondaı-aq, eseptik merzimde respýblıkada 2,377 mıllıon tonna dızel otyny óndirilgen.
Budan bólek, 2014 jyldyń 5 aıynda Qazaqstanda munaı jáne gaz kondensatyn eksporttaý kólemi 26,79 mln.tonnany quraǵan. Sonyń ishinde, «Atyraý-Samara» baǵytynda 6,169 mln. tonna, Orynbor GÓZ baǵytynda 0,3 mln. tonna, Kaspıı qubyr júrgizý konsortsıýmy baǵytynda 13,8 mln. tonna, «Atasý - Alashańqaı» baǵytynda 2,21 mln. tonna munaı eksporttalǵan. Al eksport kórsetkishi Aqtaý teńiz porty baǵytynda 2,75 mln. tonnaǵa jetse, temirjolmen tasymaldanǵan munaı kólemi 1,52 mln. tonnany qurady.
