2014 jyldyń 6 aıynda bıýdjet aldynda 118,6 mlrd. teńge qaryzy bar 2450 kásiporyn bankrotqa ushyrady
ASTANA. QazAqparat - Búgin Astana qalalyq memlekettik kirister departamenti Ekonomıkalyq tekserý qyzmeti basqarmasynyń tanystyrylýy ótti.
Tanystyrý sharasyna qatysqan Astana qalalyq memlekettik kirister departamenti bastyǵynyń orynbasary Serik Shalambaevtyń aıtýynsha, Ekonomıkalyq tekserý qyzmeti jumysynda memleket pen bızneske ekonomıkalyq shyǵyn ákeletin qylmystyq syzbalardy quratyn tulǵalardyń jolyn kesýge basymdyq beriledi.
«Sonymen qatar kóleńkeli bıznestiń ón-boıymen qabysyp jatqan jalǵan kásipkerlikpen kúres te bul mekeme jumysyndaǵy basym baǵyttardyń biri bolyp qala beredi», - dedi ol.
Bul pikirdi quptaǵan Astana qalalyq memlekettik kirister departamenti Ekonomıkalyq tekserý qyzmeti basqarmasynyń basshysy A.Álimovtiń sózine qaraǵanda, atalǵan basqarma qyzmetiniń tıimdiligi zańsyz tabystardy kóleńkeden shyǵarý, el bıýdjetin eseleý, aqsha qarajattaryn zańdy aınalymǵa qosýmen tikeleı baılanysty bolmaq.
Onyń atap ótýinshe, salyq jáne qarjylyq jaýapkershilikten jaltarý maqsatynda kásiporyndy bankrotqa ushyratý búginde ózindik bızneske aınaldy desek te bolady.
«Máselen, 2014 jyldyń 6 aıynda bıýdjet aldynda 118,6 mlrd. teńge qaryzy bar 2450 kásiporyn taratý protsedýrasynan ótti», - dedi A.Álimov.
