2014 jyldyń 6 aıynda 1 mln. 307 myń ákimshilik quqyq buzýshylyq tirkeldi

ASTANA. QazAqparat - 2014 jyldyń 6 aıynda 1 mln. 307 myń ákimshilik quqyq buzýshylyq tirkeldi, dep habarlady QR Bas prokýratýrasy Quqyqtyq statıstıka jáne arnaıy esepke alý jónindegi komıtetiniń baspasóz qyzmetinen.

«Aǵymdaǵy jyldyń birinshi jartyjyldyǵynda 1 mln. 307 myń ákimshilik quqyq buzýshylyq tirkeldi. Bul ótken jyldyń sáıkes kezeńimen salystyrǵanda 2,2 paıyzǵa kem», - delingen habarlamada.

Degenmen, vedomstvonyń aqparatyna qaraǵanda, osy aralyqta saýda jáne qarjy salasynda jasalatyn quqyq buzýshylyqtar sany 80 paıyzǵa ósken. Jalpy, quqyq buzýshylyqtardyń basym túriniń biri qoǵamdyq tártipke jáne adamgershilikke baǵyttalǵan áreketter bolyp otyr. Olar esepti kezeńde 1,4 paıyzǵa ósti.

Aıta keterligi, ýákiletti organdar kóp jaǵdaıda quqyq buzýshylyqtarǵa ákimshilik aıyppul salady.

«Aǵymdaǵy jyly alǵash ret ákimshilik aıyppuldardy óndirip alý 56,7 paıyzǵa jetip otyr. Al ótken jyldary ol 40-45 paıyz deńgeıinde aýytqyp turǵan edi. Barlyq salynǵan 47 mlrd. teńge aıyppuldyń 26,7 mlrd. teńgeden astamy óndirilip alyndy», - delingen vedomstvo aqparatynda.