2014 jyldyń 11 aıynda qazaqstandyq salymshylardyń taza ınvestıtsııalyq kirisi 188,7 mlrd. teńgeni qurady
ALMATY. QazAqparat - 2014 jyldyń 11 aıy ishinde búkil jınaqtaýshy zeınetaqy júıesi boıynsha qazaqstandyq salymshylardyń tapqan taza ınvestıtsııalyq kirisi 188,7 mıllıard teńgeni qurady. "Biryńǵaı jınaqtaýshy zeınetaqy qory" AQ (BJZQ) zeınetaqy aktıvteriniń kiristiligi 2014 jyldyń sońynda 6,0% deńgeıinde bolady. Bul týraly búgin QR Ulttyq Bankiniń baspasóz qyzmeti málimdedi.
«2014 jylǵy 1 jeltoqsandaǵy jaǵdaı boıynsha zeınetaqy jınaqtary 4,4 trln. teńgeden asty. Al zeınetaqy jınaqtarynyń ósimi jyl basynan beri 700 mlrd. teńgeni qurady. Jınaqtaýshy zeınetaqy júıesine sáıkes, sharttardyń barlyq túrleri boıynsha salymshylardyń (ıaǵnı, alýshylardyń) jeke zeınetaqy shottarynyń (JZSh) sany 10 110 949 birlikti qurady. ıAǵnı, jyl basynan bergi ósim - 613 915 birlikti qurap otyr» - delingen málimdemede.
Sonymen qatar, sońǵy 11 aı ishinde jınaqtaýshy zeınetaqy júıesi boıynsha zeınetaqy tólemderiniń somasy 95,4 mlrd. teńgeni qurady, onyń ishinde saqtandyrý uıymdaryna aýdarylǵan soma 10,8 mlrd. teńgeden asty.
Taǵy bir aıta ketetin jaıt, BJZQ-da komıssııalyq syıaqy jeke Jınaqtaýshy Zeınetaqy Qorlaryndaǵy komıssııalyq syıaqymen salystyrǵanda eki ese tómendedi: ınvestıtsııalyq kiristiń 15%-nan 7,5%-na deıin jáne zeınetaqy aktıvteriniń aıyna 0,05%-nan 0,025%-na deıin.
Sondaı-aq, zeınetaqy aktıvterin qabyldaý aıaqtalǵan sátten bastap qate zeınetaqy shottarynyń sany 30 myń shamasynda qysqardy.
2014 jylǵy 1 qańtardan bastap engizilgen Mindetti kásiptik zeınetaqy jarnalary (MKZJ) boıynsha sharttar jasasý jumysy da odan ári jalǵasýda. Birinshi jeltoqsandaǵy jaǵdaı boıynsha, jalpy jınaq somasy shamamen 23,4 mlrd. teńgeni qurady. Al alýshylardyń osy sanaty úshin 342 974 JZSh ashyldy.
