2014 jyldyń 10 aıynda Qazaqstan joldarynda 2 126 adam qaza boldy

ASTANA. QazAqparat - 2014 jyldyń 10 aıynda elimizde 16 729 jol-kólik oqıǵasy tirkeldi. Bul týraly QR Bas prokýratýrasy Quqyqtyq statıstıka jáne arnaıy esepke alý jónindegi komıtettiń málimetinde aıtylǵan.

Bul rette, JKO saldarynan 2 126 qaza bolǵandardyń ishinde 206-sy - kámeletke tolmaǵandar. Sonymen qatar apat saldarynan 21 207 adam jaraqat alǵandar retinde tirkeldi, sonyń arasynda 3 939-y kámeletke tolmaǵandar.

JKO-da eń kóp qaza tapqandar sany Almaty (373), Ońtústik Qazaqstan (348), Jambyl (180), Qaraǵandy (171), Shyǵys Qazaqstan oblystarynda (133) jáne Almaty qalasynda (164) tirkeldi.

Ótken jylmen salystyrǵanda JKO sany 13,4 paıyzǵa, ondaǵy qaza bolǵan adamdardyń sany 15,2 paıyzǵa tómendegenin atap ótý qajet.