2014 jyldyń 1 qańtarynan bastap Keden odaǵy aıasynda memleketteraralyq aqparat almasý júzege asady
ASTANA. 26 jeltoqsan. QazAqparat - Búgin QR Parlamenti Senatynyń jalpy otyrysynda palata depýtattary «Keden odaǵynyń syrtqy jáne ózara saýdada elektrondyq qujattar almasý kezinde aqparattyq tehnologııalardy qoldaný týraly kelisimdi ratıfıkatsııalaý týraly» QR zańyn qabyldady.
Qujat Keden odaǵynyń biryńǵaı keden aýmaǵynda syrtqy jáne ózara saýdada elektrondyq qujattar almasý kezinde aqparattyq tehnologııalardy qoldaný qarastyrylady. Onda uıymǵa múshe memleketterdiń memlekettik organdarynyń, jeke jáne zańdy tulǵalarynyń elektrondyq qujattardy jasaýy, jóneltýi, berýi, alýy, saqtaýy jáne paıdalaný úderisinde týyndaıtyn qatynastardy retteıdi.
Budan bólek, kelisim Keden odaǵy sheńberinde sheteldik elektrondyq tsıfrlyq qoltańbanyń zańdylyǵyn tekserýge jaǵdaı jasaıdy. Al 2014 jyldyń 1 qańtarynan bastap Keden odaǵy sheńberinde memleketaralyq aqparat almasýǵa qatysýǵa múmkindik beredi. Kelisimdi iske asyrý Keden odaǵy aıasynda syrtqy jáne ózara saýdany retteýdi qamtamasyz etedi. Budan bólek, saýda qatynastaryn damytý úshin qolaıly jaǵdaılar jasaýǵa járdemdesetin bolady.
