2014 jyldan bastap jyl saıyn jalǵa beriletin 4500 páter salynady - S. Nokın
ASTANA. 7 jeltoqsan. QazAqparat - 2014 jyldan bastap jyl saıyn jalǵa beriletin 4500 páter salynady.
Parlamentte «Halyqty turǵyn úımen qamtamasyz etýdiń jaı-kúıi men perspektıvalary» atty taqyrypta ótken parlamenttik tyńdaýda QR Qurylys jáne turǵyn úı-kommýnaldyq sharýashylyq isteri agenttiginiń tóraǵasy Serik Nokın osylaı málim etti.
Agenttik tóraǵasynyń aıtýynsha, «Qoljetimdi baspana» baǵdarlamasynda kezekte turǵan azamattar úshin jalǵa beriletin turǵyn úıdiń kólemin ósirý kózdeledi. «Soǵan oraı, 2014 jyldan bastap jyl saıyn 275 myń sharshy metr turǵyn úı salý josparlanyp otyr. Bul shamamen alǵanda 4500 páter salynady degen sóz. Al qazirgi kúni bul kórsetkish 2-2,5 myń páterdi ǵana qurap otyr», - deıdi S. Nokın.
Onyń sózine qaraǵanda, baǵdarlamanyń áleýmettik mańyzyn eskere otyryp, aǵymdaǵy jyly bıýdjetti naqtylaýda qarjylandyrý kózi eki esege ulǵaıyp, 10 mlrd. teńgeden 20 mlrd. teńgege jetken.
