2014 jyldan bastap Latvııa eýroǵa kóshedi
ASTANA. 16 aqpan. QazAqparat - Latvııa Prezıdenti Andrıs Berzınysh eldiń 2014 jyldyń 1 qańtarynan bastap eýro aımaǵyna kirýi týraly zańǵa qol qoıdy.
Bul týraly úkimet baspasóz qyzmetinen habarlandy, dep jazady RBK.
Eýropalyq valıýtaǵa aýysý sátinen bastap eki aptadan keıin lattardy tólem retinde qabyldaý toqtatylady. Eski aqshany jańa valıýtaǵa aıyrbastaý merzimi tek aýysý kezeńiniń ishinde ǵana emes, eýronyń aınalymǵa engizilýi sátinen bastap alty aıǵa sozylady.
Jergilikti BAQ-tardyń málimetterinshe, el turǵyndarynyń 60 paıyzy Latvııanyń eýro aımaǵyna kirýin quptamaı otyr.
