2014 jyldan bastap Qazaqstanda qoldanylyp júrgen qurylys normalary men erejeleri qoldanystan shyǵarylady - Ó. Shókeev
ASTANA. Qyrkúıektiń 7-si. QazAqparat /Ernur Aqanbaı/ - 2014 jyldan bastap qazaqstanda qazirgi tańda qoldanylyp júrgen qurylys normalary men erejeleri qoldanystan shyǵarylatyn bolady. Bul týraly búgin Úkimet otyrysynda Premer-Mınıstrdiń birinshi orynbasary Ómirzaq Shókeev aıtty.
«Biz kelesi jyldan bastap qurylys salasynyń tehnıkalyq retteý júıesine óte tereń reforma jasaıtyn bolamyz. 2011 jyldan bastap Qazaqstannyń jaǵdaılaryna beıimdelgen Eýropalyq kodtar engiziletin bolady. Sonda barlyq qurylysshylar balamaly túrde eýropalyq kodtardy paıdalanatyn bolady. Eger de oǵan daıyn bolmasa, eski qurylys normalary men erejelerin paıdalanýǵa bolady. Biraq jyldan- jylǵa eýropalyq kodtardy beıimdeı otyryp, 2014 jylda qazirgi qoldanystaǵy qurylys normalary men erejelerin túgeldeı qoldanystan shyǵaratyn bolamyz», dedi Ó. Shókeev.
Onyń sózine qaraǵanda, 2010-2014 jyldarǵa arnalǵan qurylys ındýstrııasy salasyn jáne qurylys materıaldary óndirisin damytý baǵdarlamasynprogressıvti azamattar qoldaıdy, al eski júıege úırenip qalǵandary oǵan qyryn qaraıdy. Sondyqtan Úkimet tarapynan, Qurylys jáne turǵyn úı-kommýnaldyq sharýashylyq isteri agenttigi tarapynan bul baǵdarlamany ómirge engizýge úlken kúsh qajet bolady.
Ó. Shókeev Qazaqstanda qoldanylyp júrgen qurylys normalary men erejeleri eski júıeden qalyptasqan, olar qurylys salasyna kelip jatqan novatsııalar men jańa tehnologııalardy engizý úshin úlken tejeý bolyp otyrǵanny atap ótti.
