2014 jyldan bastap elimizdegi eń tómengi jalaqy 19 966 teńgeni quraıtyn bolady
ASTANA. 21 qarasha. QazAqparat - 2014 jyldan bastap elimizdegi eń tómengi jalaqy 19 966 teńgeni quraıtyn bolady. Bul týraly búgin Parlament Senatynyń jalpy otyrysynda «2014-2016 jyldarǵa arnalǵan respýblıkalyq bıýdjet týraly» zań jobasyn talqylaý barysynda málim boldy.
Zań jobasynda qarastyrylǵandaı, 2014 jyldyń 1 qańtarynan bastap elimizde jalaqynyń eń tómengi mólsheri 19 myń 966 teńge shamasynda qaralyp otyr. Sondaı-aq, keler jyldan bastap memlekettik bazalyq zeınetaqy tóleminiń mólsheri 9 myń 983 teńgeni quraıdy, al zeınetaqynyń eń tómengi mólsheri 20 myń 782 teńge shamasynda kózdelgen.
Budan bólek, zań jobasyna sáıkes, járdemaqylardy jáne ózge de áleýmettik tólemderdi esepteý úshin, sonymen birge aıyppul sanktsııalaryn, salyqtar men basqa da tólemderdi qoldaný úshin aılyq eseptik kórsetkish 1 myń 852 teńge shamasynda naqtylanyp otyr. Al bazalyq áleýmettik tólemderdiń mólsherin esepteý úshin eń tómengi kúnkóris deńgeıiniń shamasy 19 myń 966 teńge bolyp bekitilgen.
